Eusi duregmixti Familie

Das isch d' Sascha. D Prinzäsin.

Sie isch en Reinrassige Siberian Husky.

D' Sascha isch usbildet als Leithund. Lauft aber lieber hinderem Leithund her. Nid will sie zfuhl isch. Nei sogar im gägeteil wens druf a chunt leit sie sich voll is züg und schafet mit wosi nur chan.

Bim Spaziere, sind aber alli Blüämli spanend und sie het zyt alles genau a zluäge. Au schust is sie die gmüätlichst vo dä Schlittehünd. Eifach irgenwo lige und d' Sunne gnüse isch eis vo irne grosse Hobby.

D' Sascha isch am 3. August 2002 uf d' Wält cho, und heisst mit vollem Name Naranja Klondike Wizzard.

Eusi Ranja. Dä Wirbelwind i dä Familie. Es muäss immer öpis laufe. Sie isch dä besti Leithund uf derä Wält.

Sie schafet immer, sogar bim Spaziere will sie immer z' vorderst laufe. Das isch sehr sträng. Aber will sie so guät uf Komandos lost, isch es au nid so schlim.

D' Ranja liebt ihre Sport über alles. Sogar wenn sie ihri Rundi scho glofe isch hät sie noni gnuäg gha und cha kei sekunde stil sitze. Wens ihre langwilig isch cha sie inerhalb vo Sekunde en ganze Garte umgstallte. Typisch Husky...

Au d' Ranja isch en reinrassige Siberian Husky und heisst mit em volle Name Scharila Klondike Wizzard.

Sie isch am 28. März 2003 uf d Wält cho.

Das isch dä jüngsti vo dä Schlittehünd.

Dä Lex, euses riesse Baby. Er isch am 30. Oktober 2006 uf d Wält cho.

Er het eigentlich sölle en Leithund werde und chönt das au, aber er isch eifach eusi Knutschchugle. Sobadl er sin Name ghört will er schmuse. Das isch nid grad pracktisch wener söt es Team dur dä Trail füäre. Jetzt dörf er näb dä Sascha mit schafe und macht das mega gern.

Au er chan wie d' Ranja kei Sekunde still sta. Das isch em eifach z langwilig. Da nimmt mer halt schnell dä nöchsti Stock usenand.

Dä Lex het kein Stammbaum isch aber au en reinrassige Siberian Husky us dä gliche zucht wie d' Sascha und d' Ranja.

Aber Stammbäum sind bi eus nid wichtig. D Hauptsach mir sind alli fit und munter.

D' Malibu isch es Zwergfuchsmeiteli.

Sie chunt ursprünglich us Dütschland, bevor sie aber zu eusem Mami it Schwiiz cho isch, isch sie no a dä Europaschau in Nitra (Tschechie) gsi.

Sie isch nämlich dete für Ihre Züchter ane Europäische Schönhetswetbewerb greis. Und het ganz guät abgschlosse.

Wie cha sie au anderst mit irne wunderschöne blaue auge und dä längere Haar.

Jetzt bie eus het sie s Kaninhop für sich endeckt. Sie macht das Hobby mässig. Wenn sie lust het. Und wenn nid dän rännt mer eifach schnell a dä Hürde verbi oder saust grad unde dure.

Dä Superstar Bailys, es Zwergangora Meiteli  vermuätlich nid ganz reinrassig.

Sie isch so es richtigs jööh Chüngeli. Dur ihres lange Fälli het sie ganz en lustigi Frisur.

Ihri grossi Liedeschaft isch s Kaninhop. Sie gaht a die verschiedene Turnier, wie Schwiizermeisterschafte und Europameisterschafte und isch scho im Fernseh ufträte.

Sie macht das richtig gern.

Wen mer mit ihre underwegs isch isch sie sone richtigi Knutschkugel. Doch die hei isch sie en richtige Zicke. Da will sie eifach ihri ruä. En richtige Superstar ebe.


Kostenlose Webseite von Beepworld
 
Verantwortlich für den Inhalt dieser Seite ist ausschließlich der
Autor dieser Homepage, kontaktierbar über dieses Formular!